Васіля Дземідовіча абвінавачваюць па чатырох артыкулах, сярод якіх «Абраза прадстаўніка ўлады», «Абраза суддзі», «Абраза прэзідэнта» і «Падрыхтоўка да арганізацыі масавых беспарадкаў», паведамляе «Вясна».
У судзе Ленінскага суда Горадні разглядаецца крымінальная справа 70-гадовага пенсіянера з Нясвіжа Васіля Дземідовіча. Справу разглядае суддзя Юрый Казакевіч.
Па дадзеных следства, за непрацяглы час пенсіянер здзейсніў каля 60 фактаў злачыннай дзейнасці.
70-гадовы жыхар Менскай вобласці «размяшчаў у дэструктыўных Telegram-каналах паведамленні з абразамі прадстаўнікоў улады, у тым ліку вышэйшых службовых асоб Рэспублікі Беларусь. Таксама ён выказваў пагрозы выкарыстаннем гвалту ў дачыненні да супрацоўнікаў праваахоўнай і судовай сістэм, пры гэтым публічна зневажаючы іх гонар і годнасць».
Акрамя таго, мужчына нібыта заклікаў грамадзян да дзеянняў, накіраваных на арганізацыю масавых беспарадкаў, якія суправаджаюцца пагромамі, падпаламі, знішчэннем адміністрацыйных будынкаў.
Марыя Мурашка belsat.eu