Беларусь пакінулі тры спартоўцы, бо асцерагаюцца за сваё жыццё і бяспеку


Пасля скандалу з Крысцінай Ціманоўскай некаторыя спартоўцы вырашылі не вяртацца або пакінуць Беларусь, паведамляе «Еўрарадыё».

Яна Максімава і ейны муж Андрэй Краўчанка.
Фота: Яна Максімава / VK.com

Лёгкаатлеты Яна Максімава і ейны муж Андрэй Краўчанка пастанавілі не вяртацца ў Беларусь з Нямеччыны і засталіся ў гэтай краіне.

«На вялікі жаль, цяпер там (у Беларусі. – Belsat.eu) можна страціць не толькі свабоду, але і пазбавіцца жыцця», – напісала Яна Максімава ў сваім Instagram.

Акрамя гэтага, Канстанцін Якаўлеў, трэнер гандбольнага клубу «Віцязь» і актывіст незалежнага аб’яднання спартоўцаў ,зʼехаў ва Украіну. Раней спартоўца каралі адміністратыўным арыштам.

Вядома, што лёгкаатлетка Крысціна Ціманоўская заўтра вылеціць у Польшчу, дзе атрымае прытулак пасля скандалу на Алімпіядзе ў Токіа.

Абноўлена
Еўрапейская народная партыя: Бацькам Ціманоўскай пагражаюць, гэта злачынства, якое вымагае адказу
2021.08.03 14:12

СК belsat.eu

Стужка навінаў