Вайсковец тэрміновай службы пакінуў тэрыторыю палігона, знаходзячыся за рулём цяжкавіка. Пра гэта паведамляе Міністэрства абароны Беларусі.
Як мяркуецца, ён накіраваўся да месца пражывання сваёй дзяўчыны – у Полацкі раён.
Па кірунку руху аўтамабіля аператыўна быў абвешчаны план «Перахоп». Аўтамабіль знайшлі на абочыне праезнай часткі.
Зараз сумесна з міліцыяй вядуцца пошукі.
Ваеннаслужачы не мае заўваг па службе, у падраздзяленні характарызуецца станоўча.
Паводле незалежных тэлеграм-каналаў, прызнаных у Беларусі экстрэмісцкімі, жаўнер уцёк з часткі ў Віцебску. Пры сабе ён нібыта меў зброю.
Нагадаем, што ў студзені на тэрыторыі Беларускай АЭС скончыў жыццё самагубствам вайсковец тэрміновай службы вайсковай часткі 7434 унутраных войскаў МУС. А ў сакавіку ў лесе знайшлі цела афіцэра Гомельскага гарнізона.
МГ belsat.eu
