Паліклінікі ў Беларусі будуць працаваць без выходных праз каронавірус


Пачынаючы з найбліжэйшых выходных – 5 і 6 лютага – прымаць пацыентаў у паліклініках, а таксама аглядаць удома будуць у тым ліку ў суботу і нядзелю, паведамляе Міністэрства аховы здароўя.

Рэжым працы амбулаторна-паліклінічных установаў аховы здароўя падаўжаецца ў сувязі з ростам захваральнасці на вострыя рэспіратарныя вірусныя інфекцыі, у прыватнасці – COVID-19.

Hавiны
«Сітуацыя палыхае». Медыкі ды пацыенты распавялі, як у Беларусі выйшаў з-пад кантролю каронавірус
2022.02.01 22:41

Змяненні ў рэжыме працы паліклінік будуць дзеяць да нармалізацыі эпідэмічнай абстаноўкі ў Менску і вобласцях.

2 лютага Мінздароўя паведаміла, што ў Беларусі за содні зарэгістраваныя 3634 новыя выпадкі інфікавання каронавірусам. Калі арыентавацца на афіцыйную статыстыку, то гэта рэкордны паказнік за ўвесь час эпідэміі ў Беларусі. За содні былі зафіксаваныя 17 смерцяў пацыентаў з каронавіруснай інфекцыяй.

Hавiны
Чарговы ковідны сумны рэкорд: за дзень зафіксавана больш за 3600 новых выпадкаў
2022.02.02 15:37

ГГ, belsat.eu

Стужка навінаў