Джулі Фішэр, прызначаная амбасадаркай ЗША ў Беларусь, наведала «Белсат»

2 лютага дырэктарка «Белсату» Агнешка Рамашэўская-Гузы ды іншыя прадстаўнікі тэлеканалу сустрэліся ў Варшаве з Джулі Фішэр, прызначанай амбасадаркай ЗША ў Беларусі.

Амерыканская дыпламатка таксама спаткалася з прадстаўнікамі польскага ўраду і беларускай грамадзянскай супольнасці.

Беларусь – прыярытэт для ЗША паводле новай стратэгіі

Доналд Трамп прызначыў Джулі Фішэр у красавіку 2020 г. на пасаду амбасадаркі ЗША ў Беларусі. Раней яна выконвала функцыю намесніцы асістэнта дзяржаўнага сакратара ЗША у Бюро еўрапейскіх і еўразійскіх справаў Дзяржаўнага дэпартаменту.

16 снежня 2020 г. ейную кандыдатуру на пасадзе амбасадаркі зацвердзіў Сенат Злучаных Штатаў.

20 ліпеня 2020 г. Аляксандр Лукашэнка прызначыў Алега Краўчанку, віцэ-міністра замежных справаў, амбасадарам Рэспублікі Беларусь у ЗША. Дыпламат раптоўна памёр 25 снежня 2020 г. Ён не паспеў выехаць у Вашынгтон і заняць сваю новую пасаду.

Першы за 12 год. Лукашэнка прызначыў амбасадара ў ЗША

Амбасадара ЗША ў Беларусі, як і беларускага амбасадара ў Злучаных Штатах, няма з 2008 г.

Сяргей Пеляса

Фота: US mission to NATO

Hавiны