Юзаф Станеўскі і Антэ Ёзіч у Курапатах.
Фота: Josepf Adamow Belarus / Facebook
Новапрызначаны каталіцкі мітрапаліт Менска-Магілёўскі Юзаф Станеўскі і апостальскі нунцый Ватыкану ў Беларусі Антэ Ёзіч наведалі Курапаты.
Адпаведныя фота былі апублікаваныя 1 лістапада ў суполцы «Каталікі Беларусі» ў Facebook.
Паводле здымкаў, арцыбіскупы ў суправаджэнні святароў памаліліся і ўсклалі вянкі ў колерах сцягу Ватыкану да помніку ахвярам рэпрэсіяў у Беларусі.
Юзаф Станеўскі і Антэ Ёзіч у Курапатах.
Фота: Josepf Adamow Belarus / Facebook
Афіцыйны сайт Канферэнцыі каталіцкіх біскупаў Беларусі пра падзею нічога не паведамляе.
Нагадаем, што Каталіцкі касцёл 1 лістапада адзначае ўрачыстасць усіх святых, а 2 лістапада – успамін усіх памерлых вернікаў. Беларуская грамадскасць у гэты час традыцыйна ладзіла шэсце «Дзяды» ў Курапаты.
Hавiны
Дзяржаўныя прапагандысты пахваліліся тым, як перашкаджалі жалобнай акцыі ў Курапатах
2021.10.29 16:18
МГ belsat.eu
