Намеснік міністра па пытаннях перамяшчэння і міграцыі Карым Нуры заявіў, што ўрад Іраку будзе працаваць над тым, каб вярнуць дадому іракскіх мігрантаў. Пра гэта паведамляе NRT Digital Media.
Паводле намесніка міністра, на беларуска-літоўскай мяжы цяпер знаходзяцца 275 грамадзянаў Іраку, у тым ліку 14 сем’яў. Яны размешчаны ў 29 лагерах для ўцекачоў. Карым Нуры падкрэсліў, што ў планах ягонага міністэрства адсочваць умовы ўтрымання гэтых людзей і дапамагчы ім у добраахвотнай рэпатрыяцыі.
У 2021 годзе Літва, Польшча і Латвія фіксуюць выбуховы рост нелегальнай міграцыі з Беларусі. Краіны ЕЗ вінавацяць рэжым Лукашэнкі ў спрыянні нерэгулярнай міграцыі ў Еўропу і мэтанакіраваным перакідванні мігрантаў з Блізкага Усходу да мяжы. Дзеянні афіцыйнага Менску на Захадзе называюць гібрыднаю вайной.
ІІ belsat.eu
