Здымак мае ілюстрацыйны характар.
Фота: Straż Graniczna / Twitter
601 спробу нелегальнага перасячэння мяжы зафіксавалі за мінулыя содні польскія памежнікі. Такую статыстыку за ўчорашні дзень прадставіла 2 кастрычніка ў сваім Twitter Памежная ахова Польшчы.
Паведамляецца таксама, што затрымалі 29 нелегалаў: 23 грамадзяніны Іраку, 2 грамадзяніны Ірану, таксама грамадзянаў Анголы і Конга.
За дапамогу ў перапраўцы нелегальных мігрантаў затрымалі дваіх украінцаў, дваіх сірыйцаў і аднаго грамадзяніна Малдовы.
Яшчэ 84 мігрантаў за ноч з пятніцы на суботу не пусцілі літоўскія памежнікі, паведамляе DELFI. У Літве таксама паведамляюць пра стрэлы з беларускага боку мяжы.
МГ belsat.eu
