Вырак журналісту сайту «Першы рэгіён» Сяргею Гардзіевічу агучылі сёння ў судзе Іванаўскага раёну. Прысуд двойчы адкладвалі, у тым ліку таму, што падсудны страчваў прытомнасць, паведамляе сайт «Першы рэгіён».
50-гадовага мужчыну абвінавацілі ў абразе Лукашэнкі і паклёпе на яго, а таксама ў абразе двух міліцыянтаў у чаце аднаго з тэлеграм-каналаў.
У выніку суд прызнаў Гардзіевіча вінаватым і прызначыў пакаранне ў выглядзе пазбаўлення волі на тэрмін 1 год 6 месяцаў з адбываннем пакарання ў папраўчай калоніі ва ўмовах агульнага рэжыму. Сяргея ўзялі пад варту ў судзе, таму ён зноў лічыцца палітвязнем. Таксама ў тэрмін залічылі некалькі дзён затрымання і тэрмін хатняга арышту ў снежні – красавіку.
Акрамя таго, суд цалкам задаволіў пазовы пацярпелых міліцыянераў Ківеля і Чарнышкова аб спагнанні па 2 тысячы рублёў маральнай шкоды кожнаму. А таксама дзяржмыта памерам 174 рублі.
Мабільны тэлефон Гардзіевіча сканфіскаваны ва ўласнасць дзяржавы.
АД, belsat.eu