Камітэт дзяржбяспекі паведамляе, што завершана папярэдняе расследаванне крымінальнай справы «аб змове з мэтай захопу дзяржаўнай улады неканстытуцыйным шляхам».
Па крымінальнай справе праходзяць 5 чалавек.
Юрыя Зянковіча выстаўлена абвінавачванне ч. 1 арт. 357 («Змова, учыненая з мэтай захопу дзяржаўнай улады неканстытуцыйным шляхам»), ч. 1 арт. 361-1 («Стварэнне экстрэмісцкага фармавання»), ч. 3 арт. 361 («Публічныя заклікі да захопу дзяржаўнай улады»), ч. 3 арт. 130 («Распальванне сацыяльнай варожасці») Крымінальнага кодэксу.
Аляксандр Фядута і Рыгор Кастусёў выстаўлена абвінавачванне па ч. 1 арт. 357 («Змова, учыненая з мэтай захопу дзяржаўнай улады неканстытуцыйным шляхам»).
Вольгу Галубовіч і Дзяніса Краўчука вінавацяць ва ўдзеле ў «групавых дзеяннях, якія груба парушаюць грамадскі парадак» (ч. 1 арт. 342 КК).
Крымінальная справа перададзена ў Генеральную пракуратуру для накіравання ў суд.
- Паліткансультанта Аляксандра Фядуту і адваката Юрыя Зянковіча затрымалі 12 красавіка 2021 года ў Маскве пры дапамозе ФСБ, а старшыню Партыі БНФ Рыгора Кастусёва ў той жа дзень у Шклове. Іх абвінавацілі ў змове з мэтай захопу ўлады.
- 17 красавіка 2021 году Аляксандр Лукашэнка заявіў, што ў Беларусі рыхтаваўся «вайсковы пераварот», амерыканскія спецслужбы з санкцыі Джо Байдэна хацелі яго забіць. У сваю чаргу ФСБ 17 красавіка апублікавала прэс-рэліз, дзе распавяла пра сумесную спецаперацыю з КДБ: пра Байдэна там гаворка не ішла, але сцвярджалася, што «мяцеж» рыхтаваўся пры дапамозе ўкраінскіх нацыяналістаў.
- Як паведамлялася ў заяве ФСБ Расеі, Зянковіч і Фядута зарганізавалі абмеркаванне ўзброенага мяцяжу ў прыватных чатах і сустракаліся ў Маскве з «апазіцыйна настроенымі генераламі» Узброеных сілаў Беларусі. Але пазней стала вядома, што ніякіх «апазіцыйна настроеных генералаў» не існавала, гэта былі супрацоўнікі беларускіх спецслужбаў, якія выдавалі сябе за генералаў.
Глеб Нержын belsat.eu
