На рахункі Міністэрства фінансаў Беларусі паступілі сродкі другога траншу расейскага крэдыту Аляксандру Лукашэнку.
У Мінфіне адзначылі, што ў адпаведнасці з пагадненнем паміж урадамі Беларусь і Расеі ад 21 снежня 2020 года, на рахунак ведамства 2 чэрвеня 2021 года паступілі сродкі другога траншу дзяржаўнага фінансавага крэдыту ў суме, эквівалентнай $ 0,5 млрд.
Першую частку крэдыту на $ 500 млн Міністэрства фінансаў атрымала ў канцы мінулага года – 30 снежня.
Пра тое, што другі транш крэдыту ў $ 500 млн з $ 1,5 млрд Беларусь атрымае ў бліжэйшы час, па выніках перамоваў Аляксандра Лукашэнкі з Уладзімірам Пуціным у канцы траўня паведаміў прэс-сакратар расейскага лідара Дзмітрый Пяскоў.
Адна з лідарак расейскай апазіцыі Любоў Собаль прарэагавала на гэтае паведамленне негатыўна.
«Лукашэнка атрымае ад Масквы крэдыт $ 500 млн у бліжэйшы час. А Тамбоўская вобласць, Варонеж або Уладзівасток не атрымаюць. Навошта ім, праўда? Дзеці ў школах і ў дзіркі ў падлозе ў туалет паходзяць. Галоўнае – суседу-дыктатару дапамагчы за кошт расейскіх грамадзянаў», – заявіла яна.
МГ belsat.eu
