Цела кіраўніцы беларускай суполкі Мікалаева Таццяны Дзяменнікавай знайшлі пад заваламі падарванай абласной адміністрацыі гораду, паведамляе радыё «Свабода».
Таццяна Дзяменнікава працавала ў эканамічным дэпартаменце Мікалаеўскай абласной дзяржаўнай адміністрацыі, а таксама стаяла на чале Мікалаеўскага абласнога нацыянальна-культурнага таварыства беларусаў «Голас Радзiмы».
У суботу, 2 красавіка, цела жанчыны дасталі з-пад завалаў, яно было апазнанае сваякамі Таццяны.
Відэа разбуранай абласной адміністрацыі ў Мікалаеве:
Таццяна Дзяменнікава стала адной з 33 загінулых у выніку расейскага авіяўдару па адміністрацыі ў Мікалаеве. Цяпер ратавальнікі працягваюць разбіраць канструкцыі.
АД belsat.eu