У Горадні судзілі віцэ-старшыню Саюзу палякаў Беларусі і ўдзельнікаў пратэстаў супраць вайны
У Горадні 1 і 2 сакавіка адбылося мноства адміністратыўных працэсаў над дэмакратычнымі актывістамі.
Гэтак, суддзя Руслан Гурын пастанавіў адправіць на дапрацоўку справу віцэ-старшыні Саюзу палякаў Беларусі Рэнаты Дземянчук, бо пратакол быў складзены міліцыянтамі так, што там наогул няма падставаў заводзіць справу.
Рэнату Дземянчук затрымалі супрацоўнікі ГУБАЗіКу 15 лютага каля пад’езду і ўвечары таго ж дня адпусцілі да суду. Яе абвінавацілі паводле арт. 24.57 КаАП у арганізацыі незаконнага мерапрыемства, якім палічылі гульню «Што? Дзе? Калі?» для слухачоў Універсітэту трэцяга ўзросту пры Саюзе палякаў.
Таксама ў горадзе за антываенныя акцыі судзілі больш за 70 чалавек. Паводле інфармацыі «Белсату», у дзень «рэферэндуму» ў Горадні каля ўчасткаў сілавікі затрымалі 90 чалавек, якія выступілі супраць вайны ва Украіне. Такога ў Горадні не было з часоў пратэстаў пасля выбараў 2020 году.
Большаць затрыманых – каля 70 чалавек – утрымліваліся ў СІЗА гарадзенскай турмы. Сярод іх – сталыя жанчыны. 1 і 2 сакавіка адбыліся суды.Судзілі ўсіх паводле арт. 24.23 КаАП («Парушэнне парадку арганізацыі або правядзення масавых мерапрыемстваў»). Практычна ўсе атрымалі штрафы ў 50-70 базавых велічыняў. У другі дзень судзілі тых, хто адмовіўся ці не змог разблакаваць свой мабільны тэлефон.
ПС belsat.eu
