Святлана Ціханоўская зрабіла моцную прамову і звярнулася з Маніфестам супраць вайны ва Украіне.
«Супрацьстаянне вайне ва Украіне і барацьба за дэмакратыю – гэта цяпер дзве мэты аднаго вялікага Руху. Мабілізацыя ўжо ідзе поўным ходам. Але калі трэба, каб я, узяўшы на сябе адказнасць нацыянальнага лідара, сказала гэта афіцыйна, то я гавару. Я абʼяўляю антываенную мабілізацыю.
У найбліжэйшы тыдзень усе нашы дзеянні павінны прывесці да двух вынікаў:
Беларусаў перастаюць успрымаць як агрэсараў. Беларускія вайскоўцы адмаўляюцца ўдзельнічаць у вайне ці адразу пераходзяць на бок украінцаў», – прамовіла дзяячка.
Ціханоўская заклікала беларусаў браць актыўны ўдзел у розных фармаваннях. Так, каб перашкаджаць інфармацыйнай вайне, якую вядуць дыктатары, варта працаваць з інфармацыйным фронтам, распаўсюджваць праўду і змагацца з прапагандай. Гэта можна зрабіць разам з ініцыятывамі ByProsvet, СтопПрапаганда, Валанцёры Офіса Ціханоўскай, «Честные люди» і НАУ.
Па-другое, Ціханоўскае прапаноўвае мабілізаваць маці, каб перашкодзіць адпраўцы іх сыноў, братоў і мужоў ваяваць супраць украінцаў. Аказваць ціск на органы ўлады і ваенкаматы – патрабаваць інфармацыі аб месцазнаходжанні вашых мужчын і спынення адпраўкі на фронт можна з дапамогай ініцыятывы «Саюз маці».
Па-трэцяе, дзяячка заклікае рабіць усё, каб перашкаджаць рэжыму ваяваць. Праяўляць непадпарадкаванне, рыхтаваць забастоўку, выводзіць са строю тэхніку і запавольваць яе работу. Паралізаваць працу дзяржаўнай інфраструктуры, не шкодзячы здароўю і жыццям людзей. У гэтым можна далучыцца да ініцыятываў «Рабочы рух», План «Перамога», Супраціў, «Кіберпартызаны», Кааліцыя пратэстных двароў, Фонд Медыцынскай салідарнасці, МенскРазам, Чат-бот «Рух большасці».
Яшчэ адным пунктам змагання супраць рэжыму Лукашэнкі, які падтрымлівае вайну ва Украіне, мае стасць узмацненне эканамічнага супраціву: варта забіраць уклады, пераводзіць у наяўныя рахункі, пазбаўляць рэжым грошай. Для гэтага ў дапамогу існуе Банкамат-абменнік-банк.
Апошняе ў Маніфесце – фарміраванне беларускага корпусу з добраахвотнікаў, якія гатовы абараняць украінскія гарады, быць медыкамі ці лагістамі на баку Украіны.
– BYSOL – гуманітарны збор для дапамогі Украіне.
– Фонд «Краіна для жыцця» – дапамога рэлакантам у Польшчы.
– «Белы Легіён» – атрад беларускіх добраахвотнікаў ва Украіне.
– Free Belarus Centre – эвакуацыя, жыллё і медыкаменты.
– Ініцыятыва ДАР – гуманітарная дапамога, дапамога з перавозкай і пошукам жылля.
– «Цэнтр Беларускай салідарнасці» – юрыдычныя кансультацыі.
– «Беларускі Маладзевы Хаб» – збор гуманітарнай дапамогі.
– FreeShop Partyzanka – дапамога рэчамі, прадуктамі харчавання, лекамі.
– Партызанка – дапамога ў лагістыцы, гуманітарная і юрыдычная дапамога.
– helpukraine.center – склад у Польшчы на мяжы з Украінай. Прымае медыкаменты, гуманітарную дапамогу, сухія пайкі.
– Чат для эвакуацыі з Украіны.
– Карта пунктаў дапамогі.
– Сайт беларусаў для падтрымкі ўкраінскага войска.
– Дапамога беларусаў на польска-ўкраінскай мяжы.
– Зборы, валанцёры – дапамога Украіне ад беларусаў Сопата.
«Вось план. І ён спрацуе, калі кожны возьме на сябе адказнасць за яго выкананне», – падкрэсліла спадарыня Ціханоўская ў сваёй прамове.
Увесь Маніфест Антываеннага Руху – тут.
МГМ belsat.eu