Расея прызнала: ва Украіне загінулі паўтысячы ейных вайскоўцаў. Украіна кажа, у 12 разоў больш

Міністэрства абароны Расеі ўпершыню назвала дакладныя лічбы стратаў асабовага складу ў час нападу на Украіну.

Здымак мае ілюстрацыйны характар. Фота: mil.by

Як перадае расейскае «РИА Новости», ва Украіне загінулі 498 расейскіх вайскоўцаў, а параненыя 1597. Страты тэхнікі не раскрываюцца.

Расея па-ранейшаму называе вайну з Украінай «спецыяльнай аперацыяй» і блакуе выданні, якія называюць вайну вайной. Гэтыя лічбы з’явіліся на сёмы дзень маштабнага нападу Расеі.

Украінскае Міністэрства абароны паведамляе пра ў 12 разоў большыя страты Расеі: на раніцу 2 сакавіка пісалі пра звыш 5840 загінулых. Таксама Украіна заяўляе пра больш як дзве сотні знішчаных танкаў, 862 знішчаныя бронемашыны, 30 самалётаў і шмат іншай тэхнікі.

Расея не называе імёны загінулых і палонных. Украінскі бок публікуе імёны і фота загінулых, параненых і палонных у адмысловым Telegram-канале «Ищи своих». Сайт праекту заблакавалі на тэрыторыі Расеі.

«Я малю – не адпраўляйце майго сына на вайну з Украінай». Адкрыты ліст маці беларускіх салдатаў-тэрміноўцаў

АА belsat.eu

Падпісвайся на telegram Белсату

Hавiны