Менск працягваюць рыхтаваць да Усебеларускага народнага сходу. Здаецца, горад плануюць запоўніць чырвона-зялёнымі сцягамі, піша TUT.by у сваім тэлеграм-канале «Выборы видишь?».
Рэдакцыя парталу атрымала ад чытачоў фотаздымак даручэння адміністрацыі Фрунзенскага раёну. У ім загадваюць «забяспечыць размяшчэнне дзяржаўнага сцяга», а пасля даслаць фотапацверджанне.
«Вось такія лісты дасылаюць нават маленькім крамам, што размяшчаюцца на першых паверхах жылых дамоў», – цытуе TUT.by сваіх чытачоў.
Шосты УНС адбудзецца ў Менску 11–12 лютага. Удзел у ім возьмуць 2700 дэлегатаў.
ЯП, belsat.eu