Памежная ахова Польшчы пацвердзіла смерць 8 мігрантаў на мяжы за ўвесь час міграцыйнага крызісу, піша радыё «Свабода» са спасылкай на афіцыйную прадстаўніцу памежнай службы Анну Міхальску.
«Сем чалавек на тэрыторыі Падляскага аддзялення Памежнай аховы і адзін – вылаўлены з ракі Буг на тэрыторыі Надбужанскага аддзялення», – сказала афіцыйная прадстаўніца на брыфінгу 1 снежня, які трансляваўся ў эфіры навінаў.
Адзін загінулы памёр падчас рэанімацыйных захадаў. Для дапамогі мігранту выклікалі медыкаў, але выратаваць яго не ўдалося.
Агулам вядома пра 14 смерцяў з абодвух бакоў мяжы Беларусі з краінамі Еўразвязу.
ГГ, belsat.eu