У Беларусі пачаўся новы навучальны год. Вучыцца школьнікам цяпер давядзецца ў новых умовах: пасля загаду Аляксандра Лукашэнкі любым коштам навесці парадак у школах дзяржаўная адукацыя ўзяла курс на мілітарызацыю, палітызацыю і сціслае ўзаемадзеянне з Праваслаўнаю царквой.
«Патрыятычны» кірунак павінен быў мець першы ўрок новага навучальнага года. Назвалі яго «Адзінства беларускага народу – аснова незалежнасці краіны». Дзецям мусілі паказаць фільм пра Лукашэнку ці распавесці пра ягоную дзейнасць.
У школы з гэтага года вернуцца ваенрукі, якія ў пэўных школах заменяць псіхолагаў. Замест вахцёраў на ўваходзе ў школу пасадзяць міліцыянтаў.
Шмат хто з бацькоў выказвалі моцную незадаволенасць такімі новаўвядзеннямі ў школах, у абмеркаваннях у сацсетках пісалі, што не павядуць сваіх дзяцей на першы ўрок 1 верасня.
Паводле афіцыйнай статыстыкі, да заняткаў у новым навучальным годзе мусілі прыступіць каля 1 мільёна 85 тысяч навучэнцаў, з іх 118 тысячаў – першакласнікі.
Пра тое, як прайшоў Дзень ведаў у школах Горадні і Менску – наш фотарэпартаж.
ГГ, belsat.eu
