Пажар здарыўся ў пятніцу ўвечары, 29 ліпеня, на тэрыторыі прадпрыемства ў Вільні. Аказалася, што пашкоджаны толькі аўтамабілі з беларускімі нумарамі. Паліцыя падазрае, што пажар не быў выпадковым, паведамляе «Delfi».
Прычынай пажару стала полымя, якое вырывалася з газгольдэру – падземнага рэзервуара з газам. Пажар, як паведаміла паліцыя, быў вельмі сур’ёзным, прыйшлося перакрыць найбліжэйшую вуліцу, ад месца адагналі 11 аўтамабіляў. Гарэнне працягвалася каля 2,5 гадзін – верагодна, пакуль не выгарэў увесь газ.
У выніку пажару былі пашкоджаны пяць аўтамабіляў: «Volvo XC90», «Volkswagen Golf», «BMW», «Audi A6» і «Peugeot». Усе яны былі на беларускіх рэгістрацыйных нумарах, паліцыя ўстанаўлівае іх уладальнікаў.
Пачата расследаванне па факце знішчэння або нанясення псуты чужой маёмасці.
Алена Рувіна belsat.eu
