31 траўня ў Вярхоўным судзе ў закрытым рэжыме пачалі разглядаць апеляцыйныя скаргі шасці фігурантаў «справы Ціханоўскага». Пра гэта паведамляе праваабарончы цэнтр «Вясна».
1 чэрвеня суд пастанавіў пакінуць прысуды без зменаў.
Хутка палітвязняў накіруюць у калоніі, але цягам яшчэ некалькі дзён іх можна падтрымаць грашовымі пераводамі. Пакуль яны знаходзяцца ў гомельскім СІЗА-3.
14 снежня 2021 года ў СІЗА № 3 Гомля абвясцілі прысуд у справе палітыкаў Сяргея Ціханоўскага і Міколы Статкевіча, блогераў Уладзіміра Цыгановіча і Ігара Лосіка ды чальцоў каманды Святланы Ціханоўскай на выбарах 2020 года: Арцёма Сакава і Дзмітрыя Папова.
Сяргея Ціханоўскага пасадзілі на 18 гадоў, адбываць пакаранне ён будзе ў калоніі ўзмоцненага рэжыму.
Сакаву і Папову прысудзілі па 16 гадоў калоніі. Цыгановіч і Лосік асуджаныя да 15 гадоў калоніі ўзмоцненага рэжыму. Статкевіч – на 14 гадоў пазбаўлення з волі.
Палітолаг Андрэй Ягораў мяркуе, што галоўная мэта гэткіх прысудаў – запужаць, а лічбы ў прысудах, якімі б яны ні былі, выпісаныя ні за што. Паводле яго, для ўладаў Ціханоўскі і Статкевіч могуць уяўляцца больш небяспечнымі за іншых, прыхільнікамі вулічнага пратэсту і рашучых дзеянняў.
Макар Мыш belsat.eu