На тэрыторыі аднаго з аб'ектаў Мінабароны Расеі ў Белгарадскай вобласці адбыўся пажар
На адным з аб’ектаў Міністэрства абароны Расеі пад расейскім Белгарадам адбыўся выбух, паведаміў губернатар Белгарадскай вобласці Вячаслаў Гладкоў.
Вядома як мінімум аб адным пацярпелым.
«На мяжы трох муніцыпалітэтаў – Барысаўскага і Белгарадскага раёнаў і Якаўлеўскай гарадской акругі – адбыўся пажар на тэрыторыі аднаго з абʼектаў Міністэрства абароны РФ. Інфармацыя аб пацярпелых і разбурэннях удакладняецца. Усе аператыўныя службы працуюць на месцы, прымаюцца ўсе неабходныя меры для гарантавання бяспекі», – заявіў губернатар.
Пазней Гладкоў паведамляў, што ёсць інфармацыя аб адным пацярпелым сярод мясцовых жыхароў. «Раненне лёгкае, жыццю нічога не пагражае. Аказваецца ўся неабходная медыцынская дапамога», – напісаў ён.
Мясцовыя жыхары паведамляюць, што над горадам кружаць ваенныя верталёты. У Белгарадзе перакрыты мост праз раку Северскі Данец, таксама некаторыя дарогі перакрыты паліцыяй. Аб выбухах пачалі паведамляць каля 14:30.
АД belsat.eu
