Крама «NYX» у Менску.
Фота: yandex.ru / maps
У траўні ў Беларусі зачыняюцца крамы амерыканскага брэнду касметыкі «NYX». Яны прапрацавалі крыху менш як чатыры гады.
Пра закрыццё крамаў спачатку паведамілі чытачы «CityDog.by». Затым гэтую інфармацыю выданню пацвердзілі прадаўцы і адміністратар крамаў у менскіх гандлёвых цэнтрах «Green City» і ў «Galileo». Там заявілі, што крамы зачыняюцца ў траўні, але дакладную дату яны назваць не змаглі.
Зараз у менскіх крамах брэнду ідуць распродажы.
Пакуль незразумела, ці будзе працаваць інтэрнэт-крама «NYX» у Беларусі.
Першая крама «NYX» у Менску адчынілася ў ліпені 2017 года. Зараз у горадзе ёсць тры гандлёвыя кропкі брэнду, яшчэ адна знаходзіцца ў Горадні.
МГ belsat.eu
