Старшыня Еўрапарламента Рабэрта Мэтсаля наведала з працоўным візітам Кіеў. Пад час супольнага брыфінга з прадстаўнікамі ўрада Украіны, Мэтсаля паведаміла, што Еўразвяз прыкладзе ўсе намаганні ў завяршэнні вайны, а таксама паспрыяе Украіне ў разглядзе заяўкі на членства ў Еўразвязе, паведамляе агенцыя Reuters. Таксама спадарыня Мэтсаля дала ўкраінцам тры абяцанні.
Новы лагатып Еўрапарламенту.
Фота: whtop.com
- Злачыннае ўварванне Пуціна ва Украіну ставіць Расею ў прамую канфрантацыю з Еўропай, міжнароднай супольнасцю і ўсім цывілізаваным сусветным ладам. Мы не дазволім яму дзейнічаць беспакарана.
- Еўрапейскі Саюз прызнае еўрапейскія амбіцыі Украіны і імкненне быць кандыдатам на ўступленне. Старшыня Еўрапарламента адзначыла, што ўкраінцы могуць разлічваць на поўную падтрымку Еўрапейскага парламента ў дасягненні гэтай мэты.
- Еўрасаюз збіраецца ўкласці буйныя рэсурсы ў аднаўленне разбураных гарадоў і сёлаў, калі скончыцца вайна. Мэтсаля адзначыла, што Еўразвяз ужо здзейсніў фінансавую, ваенную і гуманітарную дапамогу. Яна будзе працягвацца і павялічвацца, паводле слоў прэзідэнта Еўрапарламента.
Нагадаем, што 1 сакавіка Еўрапейскі парламент пераважнай большасцю галасоў прыняў рэзалюцыю, з рэкамендацыяй дзяржавам-членам ЕЗ працаваць над прадстаўленнем Украіне статуса кандыдата на ўступленне ў арганізацыю.
ХЗ belsat.eu
