Беларускі аператар мабільнай сувязі «А1» распавёў у Twitter пра атакі на серверы кампаніі.
«Паважаныя абаненты! Цяпер назіраюцца цяжкасці з доступам у інтэрнэт праз сетку фіксаванай сувязі «А1» праз DDoS-атаку, якая здзяйсняецца на DNS-серверы кампаніі», – гаворыцца ў паведамленні.
У кампаніі адзначылі, што тэхнічныя адмыслоўцы «А1» робяць усе неабходныя захады для нейтралізацыі DDoS-атакі і працуюць над аднаўленнем працы сэрвісу.
Кампанія абяцае паведаміць пра аднаўленне карэктнага доступу, «як толькі гэта стане магчымым».
МГ belsat.eu
