«Тэрор супраць гораду, тэрор супраць Украіны». Як Харкаў перажыў атаку крылатымі ракетамі
1 сакавіка расейскія войскі атакавалі Харкаў, пад удар патрапілі будынкі ў цэнтры гораду і цэнтральная плошча.
«Крылатай ракетаю па Харкаве ўдарылі з Белгараду. Гэта тэрор супраць гораду, тэрор супраць Харкава, тэрор супраць Украіны. На плошчы ў цэнтры гораду не было вайсковых цэляў. Ніхто не прабачыць, ніхто не забудзе», – заявіў прэзідэнт Украіны Уладзімір Зяленскі ў відэазвароце.
«Абстрэлы жылых дамоў і цывільнага насельніцтва 1 сакавіка набылі дакладныя прыкметы генацыду. Вораг зноў парушыў усе агульначалавечыя прынцыпы гуманізму, ажыццявіўшы чарговае злачынства супраць мірнага ўкраінскага народу. Агрэсар 1 сакавіка ўжыў забароненую ўсімі міжнароднымі канвенцыямі зброю, у прыватнасці – касетныя авіябомбы, якія выбухалі ў жылых масівах Шаўчэнкаўскага і Кіеўскага раёнаў, дзе няма ніякай вайсковай інфраструктуры», – сказаў старшыня Харкаўскай абласной дзяржаўнай адміністрацыі Алег Сынэгубаў у эфіры ўкраінскага тэлеканалу «24».
Вайна Расеі супраць Украіны ідзе з 24 лютага . Сёння, 1 сакавіка, на шосты дзень вайны, расейскія войскі ўшчыльную падышлі да Харкава, Херсону, Марыупалю.
На фоне вайны Украіна афіцыйна атрымала статус краіны – кандыдаткі ў Еўрапейскі Звяз.
Прэзідэнт Расеі Уладзімір Пуцін афіцыйна заявіў, што з дапамогаю вайны намагаецца змяніць палітычнае кіраўніцтва ва Украіне.
Афіцыйных звестак пра колькасць загінулых вайскоўцаў з абодвух бакоў няма. Але гледзячы на відэа знішчанай расейскай тэхнікі, можна меркаваць, што акупацыйныя войскі РФ нясуць вялікія, у тым ліку і чалавечыя страты.
Вайна Расеі супраць Украіны ідзе з 24 лютага . Сёння, 1 сакавіка, на шосты дзень вайны, расейскія войскі ўшчыльную падышлі да Харкава, Херсону, Марыупалю.
Прэзідэнт Расеі Уладзімір Пуцін афіцыйна заявіў, што з дапамогаю вайны намагаецца змяніць палітычнае кіраўніцтва ва Украіне.
Афіцыйных звестак пра колькасць загінулых вайскоўцаў з абодвух бакоў няма. Але гледзячы на відэа знішчанай расейскай тэхнікі, можна меркаваць, што акупацыйныя войскі РФ нясуць вялікія, у тым ліку і чалавечыя страты.
Чытайце таксама:
Вайна ва Украіне: куды ўцякаць і дзе ратавацца?
Як дапамагчы сабе і дзецям, калі вельмі страшна? Парады псіхатэрапеўта
Калектыўная адказнасць: ці мусяць беларусы адчуваць віну і сорам перад украінцамі?
«Ужо ўсе слёзы выплакала». Як працуе цэнтр дапамогі ўкраінцам у цэнтры Варшавы
