Уладзімір Мартаў, былы загадчык аддзялення анестэзіялогіі і рэанімацыі Віцебскага шпіталю хуткай дапамогі, 1 сакавіка выйшаў на волю. 23 лютага яго пакаралі 7-дзённым арыштам паводле артыкулу 24.23 КаАП.
Пра тое, што Уладзімір Мартаў – на волі, расказала віцяблянка, блізкая да сям’і Мартавых. Яна спаслалася на інфармацыю, атрыманую ад жонкі доктара. З лепельскага ізалятару Мартава выпусцілі каля 14-й гадзіны.
Уладзімір Мартаў быў затрыманы 23 лютага на сваім лецішчы ў Лепельскім раёне, дзе праводзіў большасць часу пасля звальнення са шпіталю. Са словах жонкі, якая была на судзе, Мартава судзілі за бел-чырвона-белы сцяжок на аватарцы ў сацыяльнай сетцы. Мартава прызналі вінаватым у парушэнні заканадаўства аб масавых мерапрыемствах і пакаралі 7-дзённым адміністратыўным арыштам. Сваёй віны Уладзімір Мартаў не прызнаў.
Уладзімір Мартаў – былы загадчык аддзялення анестэзіялогіі і рэанімацыі Віцебскага шпіталю хуткай дапамогі. Ён быў адным з першых беларускіх медыкаў, хто адкрыта распавядаў пра рэальную сітуацыю з каронавірусам. Увесну 2021 года з рэаніматолагам не працягнулі кантракту.
ЗК belsat.eu