«Мне яшчэ пашанцавала». Праект «Белсату» пра тых, хто пацярпеў ад гвалту сілавікоў

Беларусь пасля жнівеньскіх прэзідэнцкіх выбараў – гэта краіна з вось ужо дзясяткамі тысячаў затрыманых, збітых, літаральна закатаваных фізічна і псіхалагічна людзей. Калісьці будуць сабраныя ўсе сведчанні, задакументаваныя ўсе выпадкі здзекаў і катаванняў. Сёння ж надзвычай важна – паспрабаваць уявіць і зразумець, што перажылі нашыя суайчыннікі ў засценках разнастайных ЦІП, РАУС, СІЗА і ЛПП.