Дэпутат раённага савету дэпутатаў па Хутаранскай выбарчай акрузе № 11 Аганес Айвазбалян, які стаў дэлегатам на Усебеларускі народны сход, заявіў, што падыме пытанне інтэграцыі з Расеяй. У інтэрв’ю мясцовай раёнцы «Гoлaс Веткаўшчыны» ён заявіў, што гатовы бачыць Беларусь і Расею адзінай дзяржавай з адзінай валютай і адзіным войскам.
Дэпутат з Веткаўшчыны Аганес Айвазбалян, які стаў дэлегатам на Усебеларускі народны сход, распавёў, што падчас Усебеларускага сходу дэлегаты абмяркуюць паглыбленне інтэграцыі з Расеяй, а так званую Саюзная дзяржаву замацуюць у новай Канстытуцыі.
«У будучыні я гатовы бачыць Беларусь і Расею адзінай дзяржавай з адзінай валютай і адзіным войскам. Спадзяюся, што пасля каранціну больш актыўна пачнуць рэалізоўвацца супольныя праекты ў гандлёва-эканамічнай, энергетычнай і культурна-гуманітарнай галінах», – заявіў Айвазбалян.
Паводле яго, інтэграцыя з Расеяй павінная павысіць узровень дабрабыту брацкіх народаў.
СК belsat.eu