«Калядны турнір на прыз прэзідэнта Беларусі» вось ужо 14-ты раз ладзіцца ў Менску. Традыцыйна, на яго запрашаюцца аматарскія каманды з усяго свету. Летась у Беларусь прыехалі нават клубы з Балканаў і Аб’яднаных Арабскіх Эміратаў, каб згуляць на «Чыжоўка-Арэне». У адным з матчаў паспеў адзначыцца галоўны ініцыятар спартовай імпрэзы Аляксандр Лукашэнка.
Прычына – Аляксандр Лукашэнка ўсёй вагой наваліўся на свайго апанента і абрынуў таго на лёд. Пад смех трыбунаў суддзя прызначае дзвюххвіліннае выдаленне прэзідэнта Беларусі – першае ў гісторыі турніру на прыз гэтага самага прэзідэнта. Аляксандр Лукашэнка ўсміхаецца і едзе ў бокс штрафнікоў.
Інцыдэнт адбыўся падчас матчу супраць Аб’яднаных Арабскіх Эміратаў, сам Аляксандр Лукашэнка вылучыўся і хет-трыкам – закінуў тры шайбы. Аднак ці зрабіў гэтым уражанне на суайчыннікаў? Зрэшты, як апошнім часам і на ўвесь беларускі хакей.
Метафара гульні моладзевай зборнай Беларусі на чэмпіянаце свету па хакеі, які цяпер праходзіць у ЗША. Там падначаленыя Юрыя Файкова пацярпелі шэсць паразаў ад камандаў Швецыі, Чэхіі, Расеі, Швейцарыі і Даніі і ў выніку пакінулі элітны дывізіён.
«Прычына паразы – не ў галоўным трэнеры. У нас заўжды шукаюць галоўную прычыну. А галоўная прычына ў тым, што ў нас няправільная сістэма дзіцячага хакея. Мы прайгралі швейцарцам і датчанам, у якіх у хакеі даўно працуюць канадскія і амерыканскія трэнеры», – даводзіць Сяргей Южык, журналіст газеты «Прессбол».
«Укладваецца шмат сродкаў, але эфектыўнасць вельмі малая. Мы трацім не на тое, што трэба. Мы проста асвойваем іх, але неэфектыўна», – тлумачыць спадар Южык.
На гэтым фоне застаецца адкрытым пытанне, ці зверне Аляксандр Лукашэнка ўвагу на сапраўдныя паказнікі развіцця хакею ў Беларусі, або працягне захапляцца асабістымі поспехамі на нятанным аматарскім турніры.
Зміцер Міцкевіч, «Белсат»