Нагода для сустрэчы Аляксандра Лукашэнкі і Пятро Парашэнкі прадыктавала сённяшні тон іхнай размовы. Двум народам, якія найбольш пацярпелі ад самай буйной тэхнагеннай катастрофы ў гісторыі чалавецтва, наканаванае сяброўства і добрасуседства, казаў прэзідэнт Украіны.
«Я атрымаю цвёрдыя завярэнні прэзідэнта Беларусі, што ніхто і ніколі не ўцягне Беларусь у вайну супраць Украіны, гэтага не дапусціць міралюбівы народ Беларусі і дасведчаны высокадастойны прэзідэнт Аляксандр Рыгоравіч», – зазначыў Пятро Парашэнка.
Ён называў украінцаў роднымі людзьмі ды абяцаў, што ўсе прынятыя на сённяшніх перамовах дамоўленасці будуць няўхільна выконвацца з беларускага боку. Дзень, праведзены напалову ва Украіне, напалову ў Беларусі Лукашэнка, назваў сімвалічным.
А яшчэ зусім нядаўна Аляксандр Лукашэнка казаў, што ва Украіне рыхтуюць баевікоў для падрыву беларускае стабільнасці.
У апошнія некалькі месяцаў беларускія медыі літаральна накрыла хваля негатыўнае інфармацыі пра нашую паўднёвую суседку. То прарыў мяжы з боку Украіны, спробы правозу зброі, узгаданыя вышэй лагеры баевікоў. Але збольшага гэтая інфармацыя разлічаная на ўнутранага спажыўца.
Калі ж казаць пра сур’ёзнасць сённяшніх перамоваў і абяцанне Лукашэнкі спаўняць усе дамоўленасці, якія бярэ на сябе Беларусь, то так і хочацца задаць кіраўніку нашай краіны пытанне: як там маецца беларуска-ўкраінскі тэлеканал, пра паўстанне якога ён казаў яшчэ ў 2014 годзе?
Ігар Кулей, «Белсат», фота: Gleb Garanich / Reuters / Forum