Доўгачаканая сустрэча – можа, менавіта таму з няёмкімі агаворкамі. У Менску адбылося паседжанне Найвышэйшай дзяржаўнай рады Саюзнай дзяржавы, якое скончылася прыняццем пакету дакументаў. Незадоўга да пачатку сустрэчы Аляксандр Лукашэнка і Уладзімір Пуцін размаўлялі сам-насам. Хоць афіцыйна на парадку дня былі толькі пытанні саюзнага праекту, назіральнікі не сумняюцца, што галоўныя тэмы перамоваў засталіся не агучанымі афіцыйна. Прынамсі пра запаветны крэдыт для Беларусі публічна не сказалі ні слова.
