Менскі пратэст перайшоў у двары. Жыхары розхных мікрараёнаў спяваюць песні, упрыгожваюць платы бел-чырвона-белай сімволікай і нават запрашаюць артыстаў і музыкаў.
«Калі з’явіліся тэлеграм-каналы кожнага раёну, тады ўжо пачалі збірацца. А так больш на мітынгах, і ў будні, і ў выходныя цяпер збіраемся дварамі. Мы пратэст свой паказваем ураду, які нас не чуе і не разумее», – кажа Таццяна, жыхарка аднаго з мікрараёназ сталіцы.
– Аднойчы мы выступалі, і падышлі такія добрыя гледачы ды кажуць: «Такія, як ты, мне ўсё жыццё выносяць мозг, не даюць працаваць», – апавядае актор Міхась Зуй.
– Так што ты іх мякка паказаў яшчэ, – дадае актор Дзмітры Есяневіч.
– Гэта была падзяка, але падзяка своеасаблівая.«Гэта гонар сюды прыехаць і выступіць. Такі вечаровы настрой і тое, што тут адбываецца кожны вечар, уражвае. І стаць часткаю гэтага – неверагодна крута», – кажа акторка Купалаўскага тэатру Хрысціна Дробыш.
Мясцовыя жыхары:
«Цёпла сябе адчувае тут, тут вельмі добрая атмасфера, душэўная, і на фоне нейкіх негатыўных навінаў гэты пазітыў натоўпу грэе ды становіцца лепей».
«Хацелася б, каб у кожнага раёну была такая частка, дзе людзі маглі збірацца, пець песні і каб не было нейкіх іншых людзей, якія хацелі б навесці, так сказаць, парадак».
