Канец менскага маршу недармаедаў. Група анархістаў, якія бралі ўдзел у акцыі, сядае ў тралейбус. Спробы асобаў у цывільным затрымаць маладзёнаў скончыліся паразаю праз салідарнасць мінакоў. Але праз колькі прыпынкаў тралейбус быў спынены
Ужо ў РАУСе стала вядома, што былі затрыманыя не толькі прадстаўнікі анархісцкага руху, але і выпадковыя пасажыры, ў прыватнасці 31-гадовы жыхар Масквы Павел Маркаў. Бліжэй да дванаццатай ночы непаўнагадовых з РАУСу выпусцілі.
«Калі нас закідвалі ў сам мікрааўтобус, там былі яшчэ вольныя месцы, але мяне чамусьці кінулі на падлогу, а астатніх проста трамбавалі, усе ляжалі і не маглі рухацца, а міліцыянты былі зверху на нас», – узгадвае Ян Мурашка, удзельнік дазволенай акцыі.
«Увогуле не зразумела, чаму гэта адбылося, акцыя была дазволеная, усе было мірна, без ніякіх інцыдэнтаў, не было ніякіх гвалтоўных дзеянняў з боку тых, хто ўдзельнічаў у шэсці», – нагадала Ірына Сухій, сябра савету ГА «Экадом».
У гэтым горадзе людзі спрабавалі перашкодзіць сілавікам, літаральна скрасці аднаго з удзельнікаў акцыі. Мужчыну прымусова запіхнулі ў машыну без якіх-кольвек апазнавальных знакаў. На капоце засталіся сляды крыві.
Міліцыянты ў форме проста ігнаравалі і хапун, і гвалт, і заклікі аб дапамозе.
Першы дазволены марш супраць дэкрэту №3 стаў і самым брутальным па колькасці затрыманняў. Відавочна, што дзеянні міліцыі падвышаюць градус запалохвання напярэдадні наступнай акцыі, якая прызначана на 25 сакавіка.
Аркадзь Несцярэнка, «Белсат», фота: minskby.com