Аб'ектыў 21.09.2019 Дыпламаты аддалі свае рэчы на дабрачынны распродаж


Кепскае надвор‘е не перашкодзіла адбыцца дабрачыннаму распродажу рэчаў дыпламатаў. Сукенку, да прыкладу, аддала амбасадарка Швецыі Крыстына Юганнэсан. Яна яе набыла адмыслова да шатландскага вечара, але так ніколі і не апранула. Каштуе сукенка 25 рублёў.

«Некалькі амбасадаў адгукнуліся, яны разам з намі тут, таксама і міжнародныя арганізацыі, і кампаніі, і проста прыватныя асобы. Я думаю, што гэта нашая першая спроба, але не апошняя», – кажа амбасадарка Швецыі Крыстына Юганнэсан.

«Для нас упершыню экалагічны парадак, то бок мы даём рэчы другое жыццё. І плюс увесь прыбытак, які мы атрымліваем, ідзе на дабрачыннасць», – кажа Аляксандр Бялоў з дабрачыннага праекту «Калі ласка».

Амерыканскія дыпламаты ўшанавалі ў Курапатах пакутнікаў Беларусі

«На гэты момант ёсць дызайнеры, якія перарабляюць вопратку, якую мы купляем у сэканд-хэндзе. Таму гэта можа быць нешта крэатыўнае, нешта новае, але сфармаванае з вопраткі, якая была 5 гадоў ці 10 гадоў таму зробленая», – кажа Дар’я Радчыкава з Беларускай палаты моды.

Паштоўкі з парадамі аб устойлівым спажыванні можна было даслаць сваім знаёмым і сябрам ля стэнду «Зялёнай сеткі». «Набывайце менш, дзяліцеся больш», – раяць экаактывісты.

Наста Кахановіч, «Белсат»

Глядзі таксама
Каментары