Хакей
Менскае «Дынама» правяло сёння чарговы нервовы, але вельмі цікавы, хуткасны матч чэмпіянату Кантынентальнай хакейнай лігі. «Зубры» прымалі вельмі канкурэнтаздольнага казахстанскага «Барыса» са сталіцы краіны Астаны, які з года свайго першага выступу ў Кантынентальнай хакейнай лізе ў сезоне 2008-га–9-га гадоў сем разоў запар прабіваўся ў плэй-оф і толькі летась упершыню застаўся па-за межамі накаўт-раўнду. Менчукі перамаглі з лікам 2:1.
Гандбол
Неймаверным паводле драматызму стаўся другі паўфінальны двубой на чэмпіянаце свету па гандболе сярод мужчынскіх зборных у Францыі.
Тэніс
Пераможцаю Адкрытага чэмпіянату Аўстраліі ў жаночым асабістым турніры сталася амерыканка Сэрына Джаміка Ўільямз. Дзякуючы гэтаму яна вяртаецца на першы радок рэйтынгу Жаночай тэніснай асацыяцыі, які афіцыйна ўзначаліць у панядзелак з перавагаю над цяпер сваёй пераследніцаю – немкаю Анжэлік Кербэр – на 665 пунктаў.
