Віктар Траццякоў – беларускі гастарбайтэр, якіх цяпер сотні тысячаў. Кожныя некалькі месяцаў ён пакідае сваю хату ў Воршы і едзе ў Расею «на шабашку», бо мусіць карміць сям’ю. Па колькіх месяцаў вяртаецца дадому, дзе ніякай працы для яго так і не знаходзіцца. Адпачыўшы са сваёй сям’ёю, праз колькі тыдняў мусіць вяртацца ў Расею.
У Маскве, «горадзе вялікіх магчымасцяў», шмат каго з беларусаў чакае толькі «статус» гастарбайтэра – працаўніка другога гатунку, якіх згаджаюецца на неафіцыйнае працаўладкаванне, на адсутнасць медычнае дапамогі, на штодзённую пагрозу ашуканства і рабункаў. Але яны шчаслівыя, бо зарабляюць больш за сваіх калегаў у Беларусі. Частку матэрыялу аўтар зняў проста на аб’ектах расейскае сталіцы.
рэж. Сяргей Ісакаў, 2009 г., Беларусь
