Мігранты Лукашэнкі

рэж. Пеляса Сяргей, Цялежнікаў Антон, 2022

Закуліссе гібрыднай атакі на межы ў сенсацыйным дакументальным фільме «Мігранты Лукашэнкі».

Сітуацыя паміж Беларуссю і Еўразвязам абвастрылася ў чэрвені 2021 года пасля таго, як Лукашэнка загадаў беларускім памежнікам спыніць ахову мяжы ад мігрантаў. Тысячы людзей накіраваліся ў Еўропу. Праз пяць месяцаў няспынных спробаў прарваць мяжу пачалася дээскалацыя напружанасці. Як высветлілася пазней, міграцыйны крызіс быў уступам да поўнамаштабнай вайны супраць Украіны.

Міграцыйны крызіс быў арганізаваны спецслужбамі рэжыму Лукашэнкі самастойна – альбо пры дапамозе Федэральнае службы бяспекі Расеі?

У фільме ў якасці экспертаў выступілі: былы падпалкоўнік беларускай міліцыі, кіраўнік ініцыятывы BYPOL Аляксандр Азараў, які раскрывае сакрэты аперацыі «Шлюз», што выклікала міграцыйны крызіс; польскі даследнік палітыкі Беларусі і Расеі Марэк Будзіш, які напісаў кнігу «Усё ёсць вайна. Расейская стратэгічная культура»; а таксама былы прапаршчык беларускай Памежнай службы Іван Страшкевіч.

Падзеі міграцыйнага крызісу пракаментавалі еўрапейскія чыноўнікі розных узроўняў, ад памежніка да міністра.

Сваімі драматычнымі гісторыямі падзяліліся і самі мігранты. Яны прызналіся, што зазналі гвалт з боку беларускіх службаў, і дэталёва распавялі, як сілавікі Лукашэнкі маніпулявалі ды падманвалі іх.

Курд Набіль, лідар кульмінацыйнага нападу на польскую мяжу ў лістападзе 2021 года, тлумачыць, чаму курды зрабіліся мігрантамі.

У фільме выкарыстаныя эксклюзіўныя, раней не апублікаваныя відэаматэрыялы з межаў Беларусі і Еўразвязу. Аўтары фільму вялі здымкі ў закрытых памежных зонах, цэнтрах для мігрантаў у Польшчы і балтыйскіх краінах. Ёсць відэаматэрыялы і з Беларусі, дзе даводзілася здымаць схаванай камерай.

Рэжысёры Сяргей Пеляса і Антось Цялежнікаў, 2022 г., Польшча

Падпісвайся на telegram Белсату

Больш фiльмаў