«Where we are?» – гэта назва песні, якую Сяржук Доўгушаў прысвяціў сваёй жонцы Віялеце. І фактычна, такі наш агульны настрой. Дзе мы падчас выбуху пандэміі каронавіруса? І дзе мы, калі ў Беларусі разгортваюцца страшныя і вялікія палітычныя падзеі?

Іван Супрунчык усё жыццё пражыў у вёсцы Цераблічы на Палессі. Яму пад 80 гадоў, ён народны мастак і скульптар.

У вёсцы Стахава, у глыбіні Беларускага Палесся, жыве айцец Васіль Лясько, які арганічна спалучае ў сабе тры іпастасі. Ён сапраўдны святар, сапраўдны сем’янін і сапраўдны паляшук.

Кася Казачонак і ейная сям’я – захавальнікі балота Ельня. Гэтыя людзі робяць прыродаахоўныя захады ў заказніку. Займаюцца яны гэтым з вялікаю любоўю да наваколля, бо ёсць яго натуральнаю часткай.

Лёс Іцхака Мэера бэн Цві Южука, або Мішы Южука такі, што хопіць не на адну кнігу ці прынамсі на сцэнар мастацкага фільму. Нарадзіўся ў мястэчку Пагост каля Пінску ў габрэйскай сям’і. Акрамя Мішы, у ёй было чацвёра дзяцей. У 1939 г. прыйшлі саветы, у 1941–ым з’явіліся немцы. Хутка немцы расстралялі бацьку Мішы, а старэйшага брата адправілі ў працоўны лагер. Неўзабаве прыйшлі і па Мішу ды ягонага брата – блізнюка, іх таксама адправілі ў лагер. Міша з братам доўга развітваліся з роднымі – з маці, бабуляю, малодшымі братам і сястрою. Як пасля высветлілася, назаўжды…

13 траўня 1917 г. дзецям з’явілася Маці Божая Фацімская. І ў гэты ж дзень Уладзімір Ленін уехаў на кані ў касцёл Беззаганнага Зачацця ў Маскве.

Фёдару Клімчуку 82 гады. Галоўнаю сваёй працаю ён лічыць пераклад Евангелля на мову роднае вёскі Сіманавічы, што ляжыць у глыбі беларускага Палесся, каля Драгічына.

У мястэчку Паставы жывуць 90-гадовы Антось Фурс з жонкаю спадарыняй Алесяй. Беларускія пенсіянеры спадарства Антось і Алеся – вытрымалі самае страшнае выпрабаванне савецкай эпохі – ГУЛаг.

83-ці гадовы пенсіянер Генрык Траццяк набыў былы фальварак Бохвіцаў у вёсцы Флер’янова на Ляхаўшчыне і саматугам яго рамантуе.

У 1812 г. у войску Банапарта служылі 25 тысяч беларусаў, ці ліцвінаў, як іх тады называлі. У той самы час Расейская імперыя пасля захопу Беларусі ў выніку трох падзелаў Рэчы Паспалітай адразу ж стала рэкрутаваць у сваё войска жаўнераў з «новадалучаных» земляў. Вядомыя факты, калі на полі бою з абодвух бакоў сутыкаліся беларусы. Дык чым жа была для Беларусі вайна 1812–га?