Увечары 26 лютага на Кастрычніцкай плошчы ў Менску прайшла несанкцыянаваная акцыя ў падтрыманне палітычных зняволеных.
Грамадскія актывісты трымалі ў руках расцяжку з надпісам «Свабоду палітзняволеным». Праваахоўнікі здымалі ўдзельнікаў акцыі на відэа. Ніводнага ўдзельніка акцыі не затрымалі.
Апазіцыйнага палітыка Паўла Севярынца, які анансаваў правядзенне акцыі ў сваім «Fасebook’у», затрымалі побач з ягоным домам.
Тры дні таму Павел Севярынец заявіў аб акцыі падтрымання Святаслава Барановіча, які падчас аднаго з «Маршаў дармаедаў» супраць Дэкрэту № 3 пачаў абараняць удзельнікаў ад невядомых. Невядомыя аказаліся міліцыянтамі. За ўжыванне гвалту ў дачыненні да супрацоўніка органаў унутраных справаў Барановіч атрымаў тры гады калоніі. Нядаўна яго перавялі ў турму – нібыта за «парушэнні рэжыму».
«Калі Лукашэнка хоча праводзіць у Беларусі “Еўрапейскія гульні” – няхай вызваляе палітзняволеных», – напісаў у сваім «Fасebook’у» Павел Севярынец, анансуючы акцыю.
Паводле беларускага грамадскага форуму «Свабоду палітвязням», цяпер у Беларусі 8 палітзняволеных:
«Справа антыфашыстаў»
Іншыя палітвязні
ЮВ, belsat.eu