Сябра Рады пры прэзідэнце РФ па развіцці грамадзянскай супольнасці і правах чалавека (СПЧ), кінарэжысёр Аляксандр Сакураў папрасіў Уладзіміра Пуціна вызваліць асуджанага Алега Сянцова. Сваю просьбу Сакураў выказаў падчас закрытай часткі пасяджэння СПЧ.
«Аляксандр Сакураў зноў звярнуўся да прэзідэнта з просьбай вызваліць Алега Сянцова, прэзідэнт паабяцаў падумаць над тым, што можна зрабіць, не чакаючы зрухаў з украінскага боку», – сказаў старшыня СПЧ Міхаіл Фядотаў, паведамляе ТАСС.
Раней прэс-сакратар прэзідэнта Расеі Дзмітрый Пяскоў называў некарэктнымі заявы аб адмове Крамля ў памілаванні Сянцова, паколькі адпаведнага прашэння ад зняволенага пададзена не было.
СК, belsat.eu