Грузінская кампанія «Aiisa» выпусціла прэзерватывы з выяваю Уладзіміра Пуціна і надпісам: «Усім членам патрэбная ахова».
На выяве кіраўнік Расеі стаіць пад парасонам – адсылка да фіналу чэмпіянату свету па футболе. Нагадаем, што на цырымоніі ўручэння ўзнагародаў прысутнічаў прэзідэнт Францыі Эмануэль Макрон і прэзідэнт Харватыі Калінда Грабар-Кітаравіч. Падчас урачыстасці пачаўся дождж, але парасон раскрылі над галавою толькі кіраўніка Расеі.
На адваротным баку прэзерватыва можна знайсці QR-код, які перанакіроўвае на англамоўны артыкул ў «Вікіпедыі» пра расейска-грузінскую вайну.
Раней кампанія выпусціла прэзерватывы з назваю «Put in» і выяваю Пуціна ў пілотцы, а таксама з выяваю паўночнакарэйскага лідара Кім Чэн Іна.
Кампанія выпусціла прэзерватывы з Пуцінам адмыслова да 10 гадавіны пачатку расейска-грузінскай вайны.
8 жніўня 2008 года прэзідэнт Расеі (на той момант Дзмітрый Мядзведзеў) абвясціў аб пачатку аперацыі «па прымусе да міру» на тэрыторыі Паўднёвай Асетыі.
ЮВ, belsat.eu