На аверсе манеты знаходзіцца выява «дрэва жыцця» з каранямі ў выглядзе залатых бульбінаў. А на рэверсе – украінскія сяляне, якія капаюць бульбу.
Манета наміналам 10 грыўняў і надпісам «капанне бульбы» выкананая са срэбра 925 пробы і важыць 31,1 гр. Нацбанк Украіны збіраецца выпусціць 4000 экзэмпляраў манеты. Манеты будуць уведзеныя ў абарачэнне 22 траўня.
Прапанаваны Нацбанкам кошт манеты – 1027 грыўняў (каля $ 39).
Сярэднестатыстычны ўкраінец з’ядае 131 кг бульбы штогод. Сярэднестатыстычны беларус – 181 кг. Паводле гэтага паказніку, Беларусь ужо шмат гадоў зʼяўляецца сусветным лідарам. На другім месцы па спажыванні бульбы – Кіргізія (143 кг). Украіна – на трэцім месцы.
МК, jb, ЮВ, belsat.eu