Філіповіч распавёў у сваім блогу пра падзеж скаціны. Яго вырашылі судзіць за супрацу з «Белсатам»

Яго будуць судзіць за незаконны выраб і распаўсюд інфармацыі (арт. 22.9 КоАП РБ).

7 траўня на youtube-канале «Гарантий НЕТ» гомельскі блогер Максім Філіповіч апублікаваў сюжэт «Беларуская идеология во всей красе» пра падзеж скаціны ў Кармянскім раёне Гомельскай вобласці. Відэа сабрала 64 000 праглядаў.

У той жа дзень здымачная група «Белсату» таксама наведала сельгаспрадпрыемства, дзе ад голаду дохнуць цяляты.

• На Гомельшчыне цяляткі дохнуць ад голаду

Паводле гомельскіх праваахоўнікаў, наш тэлеканал «узяў» відэа Максіма Філіповіча. На падставе гэтага міліцыя зрабіла выснову, што блогер «супрацоўнічае» з «Белсатам».

12 траўня Максім Філіповіч апублікаваў відэа, у якім называе працаўнікоў міліцыі непрафесіяналамі, якія «нават сваю працу не могуць нармальна зрабіць».

• Да берасцейскага блогера Пятрухіна прыйшлі з вобшукам, забралі ўсю тэхніку

У позве, якую атрымаў блогер, участковы не пазначыў артыкул па якім распачатая адміністратыўная справа. Больш таго, міліцыянты паленаваліся параўнаць відэазапісы на канале Філіповіча і youtube-канале «Белсату».

Нагадаем, што ў гэтым годзе журналістаў «Белсату» аштрафавалі на больш чым Br 30 000.

• За 1 дзень белсатаўцам далі штрафаў на Br 6000

ЮВ, belsat.eu