Прэзідэнт ЗША Доналд Трамп прапанаваў Уладзіміру Пуціну сустрэцца з ім у Вашынгтоне.
Ён агучыў гэтую прапанову яшчэ 20 сакавіка, падчас віншавання Пуціна з перамогаю на выбарах, паведаміў на брыфінгу памочнік расейскага прэзідэнта Юрый Ушакоў.
«Як пацвердзіў сам прэзідэнт 20 сакавіка, праз некалькі гадзін пасля тэлефоннай размовы з прэзідэнтам Пуціным, яны абмяркоўвалі двухбаковую сустрэчу ў «недалёкай будучыні» у некалькіх меркаваных месцах, у тым ліку ў Белым доме. Пакуль больш нічога не можам дадаць», – паведаміла прадстаўніца прэс-службы амерыканскага прэзідэнта Сара Сандэрс.
Дакладная дата сустрэчы пакуль не абмяркоўвалася.
ЮВ, belsat.eu