Рэжысёрка ўжо некалькі дзён не выходзіць з дому. Каля яе дому дзяжураць міліцыянты.
«Трое содняў каля маёй брамы стаяла аўто. У ім сядзела то два, то чатыры чалавекі. Гэты серабрысты «Opel» ужо ездзіў і за маёй пляменніцай, якая жыве са мной. Сёння мне тэлефанавала маці аднаго палітзняволенага і сказала, што недалёка ад майго дома стаяць тры сінія аўтобусы. Я такая крутая. Я іх арыштавала. Яны ў мяне ўжо трое содняў арыштаваныя», – распавяла ў эфіры праграмы «Гарачы каментар» Вольга Нікалайчык.
Напярэдадні Дня Волі праваахоўнікі затрымалі экс-кандыдата на прэзідэнта і былога палітвязня Уладзіміра Някляева, а таксама лідара грамадзянскай кампаніі «Разам» Вячаслава Сіўчыка ды грамадзянскага актывіста Максіма Вінярскага.
Назірайце за святам незалежнасці онлайн. У нядзелю, 25 сакавіка, а 12:00 мы пачнем трансляцыю святочнага канцэрту ў Менску, акцыяў у іншых гарадах Беларусі, пакажам размовы з удзельнікамі ды гісторыкамі. Запрашаем! Святкуйма Дзень Волі разам!
Больш у відэаматэрыяле!