МЗС Расеі абвесціў «persona non grata» 23 супрацоўніка Брытанскай амбасады ў Маскве, яны будуць высланыя цягам тыдня.
Сёння ў МЗС быў выкліканы амбасадар Вялікай Брытаніі, яму ўручылі ноту пра тое, што высылка дыпламатаў адбываецца ў адказ на абвінавачванні ў дачыненні Расеі да атручвання экс-афіцэра ГРУ Сяргея Скрыпаля і ягонай дачкі.
«Улічваючы дыспарытэт у ліку консульскіх устаноў дзвюх краін, адклікаецца згода Расейскай Федэрацыі на адкрыццё і функцыянаванне Генеральнага консульства Вялікай Брытаніі ў Санкт-Пецярбургу», – паведамляе МЗС Расеі.
Таксама Расея спыняе дзейнасць Брытанскага Савета ў Расейскай Федэрацыі.
Нагадаем, што на гэтым тыдні было абвешчана, што з Лондану будуць высланыя 23 расейскія дыпламаты. Улады Брытаніі лічаць, што замах на Сяргея Скрыпала ажыццявілі расейскія спецслужбы.
Чытайце таксама:
ГА, belsat.eu
Фота REUTERS/Sergei Karpukhin