Заснавальнік кампаніі «Tesla» апублікаваў у сваім «Twitterʼы» фотаздымкі дэбютнага экзэмпляру новага электракару.
У базавай камплектацыі машына будзе каштаваць $ 35 000. Паводле «Business Insider», кампанія ўжо атрымала 400 000 замоваў на суму $ 14 млрд.
Першапачаткова права набыць першую машыну «Tesla Model 3» атрымаў інвестар кампаніі «Technology Partners», але ў апошні момант ён вырашыў павіншаваць Ілона Маска з днём нараджэння і перадаў гэтае права заснавальніку «Tesla».
Паводле аналітыкаў «Bloomberg», да 2040 г. кожны трэці аўтамабіль у свеце будзе электрычным.
ЮВ, belsat.eu