Пісьменнік і грамадскі дзеяч Уладзімір Някляеў, які таксама вылучаўся на Нобэлеўскую прэмію, у студыі «Белсату» падзяліўся сваймі думкамі пра ўзнагароду Святланы Алексіевіч.
«Канешне, я нават з усёй маёй фантазіяй, з разуменнем чалавека, з цяжкасцю ўяўляю, што адчувае Святлана. Гэта, канешне, варта было паўпірацца, напісаць пяць нялёгкіх для яе кнігаў. Яна ж не хуткапісная пісьменніца. Яна пакуль сказ адзін не выбудуе, не можа перайсці да наступнага. Трэба разумець, што гэта катаржная праца – напісаць такія кнігі. І яна заслужыла сённяшняе свята», – адзначыў Уладзімір Някляеў.
Шасціразовы намінант на Нобэлеўскаю прэмію міра Алесь Бяляцкі ў эфіры «Белсату» выказаўся пра поспех Святланы Алексіевіч.
«Гэты нобэлеўскі медаль – ён як зорка, можна сказаць. Ён будзе зараз асвятляць усю беларускую літаратуру. І тут яшчэ важна, што талент Святланы Алексіевіч не вырас на пустым месцы. Ён фактычна выхаваны беларускай літаратурай», – заявіў праваабаронца.
У сваю чаргу старшыня беларускага ПЭН-цэнтру Андрэй Хадановіч мяркуе, што спадарыня Святлана «з усімі сваймі заслугамі стварае такое поле для радасці, поле для гонару, але разам з тым і поле для роздуму».
«Белсат» – адзіны беларускі тэлеканал, які зладзіў онлайн-трансляцыю ўручэння ўзнагароды Нобэля па літаратуры Святлане Алексіевіч.
Белтэлерадыёкампанія, ОНТ і СТВ не транслявалі ўрачыстую цырымонію ўручэння Нобэлеўскай прэміі Святлане Алексіевіч са Шведскай акадэміі навук.
«БТ не планавала набываць правы на трансляцыю праз пэўныя арганізацыйна-тэхнічныя, фінансавыя і юрыдычныя пытанні і аспекты», – заявіла прэс-сакратарка медыя-холдынгу Святлана Смалонская-Краскоўская.
1 снежня «Таварыства беларускай мовы» скіравала да кіраўніка Белтэлерадыёкампаніі Генадзя Давыдзькі просьбу арганізаваць паказ уручэння ўзнагароды паводле прычыны, што Святлана Алексіевіч – беларуская пісьменніца. Аднак спадар Давыдзька праігнараваў яе.[/vc_column_text][vc_raw_html]JTNDaWZyYW1lJTIwd2lkdGglM0QlMjI1NjAlMjIlMjBoZWlnaHQlM0QlMjIzMTUlMjIlMjBzcmMlM0QlMjJodHRwcyUzQSUyRiUyRnd3dy55b3V0dWJlLmNvbSUyRmVtYmVkJTJGVTh0ZmZtZFgzX2MlMjIlMjBmcmFtZWJvcmRlciUzRCUyMjAlMjIlMjBhbGxvd2Z1bGxzY3JlZW4lM0UlM0MlMkZpZnJhbWUlM0U=[/vc_raw_html][vc_video link=”https://www.youtube.com/watch?v=J-HpkLo5nsA&feature=youtu.be”][vc_column_text]7 снежня на «Белсаце» пачаўся Нобэлеўскі тыдзень са Святланай Алексіевіч. Увесь гэты час у Стакгольме будзе працаваць здымачная група нашага тэлеканалу.
ЮВ, ДД, belsat.eu[vc_row][vc_column][/vc_column][/vc_row]
