У ноч на 8 красавіка шведскія сілавікі арыштавалі мужчыну, якога затрымалі ў Стакгольме пасля тэракту ў цэнтры гораду.
Шведская паліцыя паведамляе, што затрыманы сядзеў за стырном аўтамабіля, які ўрэзаўся ў мінакоў у Стакгольме. Праваахоўнікі таксама паведамілі, што ў грузавіку знайшлі самаробную бомбу.
Інфармацыя пра асобу падазраванага не разгалошваецца.
Раней выданне «Aftonbladet» паведаміла са спасылкай на ўласныя крыніцы, што затрыманы – 39-гадовы грамадзянін Узбекістану.
7 красавіка грузавік пратараніў натоўп на адной з самых людных вуліцаў Стакгольму. 4 асобы загінулі, 15 – атрымалі раненні.
ЮВ, belsat.eu