Ці сапраўды беларусы захацелі моцнай улады ў адных руках і што з гэтага атрымалася? Дэпутат тагачаснага Вярхоўнага Савету 13-га склікання Андрэй Клімаў кажа, што беларусы зрабілі свядомы выбар на карысць аўтакратычнага рэжыму.
Былы дэпутат мяркуе. што спроба Вярхоўнага Савету ўчыніць прэзідэнту імпічмент магла прывесці да грамадзянскай вайны і анексіі паводле крымскага сцэнару.
«Маім матывам было інтэлектуальнае палітычнае спаборніцтва, але кіравалі працэсам імпічменту іншыя людзі, матывам якіх было непамернае эга, жаданне ўскочыць у прэзідэнцкае крэсла. Лукашэнка заразіў тады ўсіх духам спаборніцтваў і лёгкасцю, з якой ён перамог партыйна-гаспадарчую наменклатуру», – узгадвае тыя часы Клімаў.
Разам з тым, адзначае былы дэпутат, Лукашэнка меў велізарны рэйтынг і яго не ўдалося скарыстаць як ледакол «Ленін».
Пра гэта і іншыя дэталі лістападаўскіх падзеяў 1996 году – у «Размове Калінкінай».